Қазақстанда баланың көзінше темекі шеккені үшін жаза қолданылуы мүмкін

Қазақстанда ата-аналар баланың көзінше зиянды әдеттерді көрсетсе, мысалы, темекі шексе немесе алкоголь ішсе, айыппұл арқалауы немесе тіпті қамауға алынуы мүмкін, деп хабарлайды ereimeninfo.kz

ТОЛЫҒЫРАҚ

«Бала құқықтары туралы» заңға сәйкес, ата-аналар балаларды денсаулыққа бағытталған құндылықтарға тәрбиелеуге тиіс. Ал ҚР Әкімшілік құқық бұзушылық туралы кодексінің 127-бабында ересектердің баланы зиянды әдеттерге үйретуі немесе тәрбиелеу мен күтім жөніндегі міндеттерін орындамауы үшін жауапкершілік көзделген.

ҚАНДАЙ ЖАЗА ҚАРАСТЫРЫЛҒАН

ҚР Әкімшілік құқық бұзушылық туралы кодексінің 127-бабына сәйкес:

• алғаш рет – 10 АЕК мөлшерінде айыппұл (43 250 теңге);
• бір жыл ішінде қайталап жасалса – 15 АЕК айыппұл (64 875 теңге) немесе 5 тәулікке дейін әкімшілік қамау;
• егер бала ересектің бастамасымен алкоголь тұтынса – 20 АЕК-ке дейін айыппұл (86 500 теңге) немесе 10 тәулікке дейін қамау жазасы қолданылады.